Unani

Unani-medisin er eit folkemedisinsk behandlingssystem som femner bruk av urter, meditasjon, massasje, kopping, sveitting og bruk av iglar. I dag finn ein unani mest praktisert i Asia, særleg i India. Sjølve ordet "unani" er arabisk og tyder bokstaveleg tala "gresk". 

Unani utvikla seg i Hellas i ei tid med stor islamsk påverknad generelt, og av ayurvedisk medisin og helseforståinga i Islam spesielt. Utviklinga vert knytt til fleire kjende medisinske filosofar, så som grekarane Hippokrates, Pythagoras, Aristoteles, Discorides, Galen og Rhazes, samt uzbekaren Hakim Ibn Sina (Avicenna). Kring år 1000 samla han observasjonar og informasjon om unani-praksis til eit skrift kalla Al-Qanoon-fit-Tibb (Cañón of Medicine). Avicenna vert og rekna for den som innførte unani til Midt-Austen (Iran, der han døydde) samt vidare til India. Utøvarane av unani-medisin vert og kalla hakimar; etter han. 

Ifylgje læra i unani er ein ved god helse når det er balanse mellom elementa luft, jord, vatn og eld, samt kroppsvæskene blod, slim, gul og svart galle. Konseptet om dei fire elementa står sentralt i ayrurvedisk medisin, medan konseptet om kroppsvæsker ("humorane") kjem frå gresk medisin. 

I unani er det desse faktorane og høvet mellom dei som avgjer både normaltilstanden din, kva for ein mennesketype du er, samt kva som gjer deg sjuk og kva som kan gjere deg frisk. Ifylgje læra vert balansen mellom desse konstant utfordra av endringar i både kroppen, sinnet og ting i miljøet kring deg, på same måte som innan tibetansk medisin.

Eit anna viktig prinsipp i unani-læra er rolla og kompetansen til utøvarane:  Det å oppsøkje og få unani-behandling frå ein hakim har terapeutisk verdi i seg sjølv. 

Unani-medisinen består av mange teknikkar for å diagnosisere og behandle. Som i ayurveda og tradisjonell kinesisk medisin, nyttar utøvarane seg av pulsdiagnose, men dei kan og sjå/lukte på prøver av avføring og urin for å avgjere kva som feiler deg. 

Unani-behandling vil ofte starte med tiltak for å normalisere og balansere dei ytre faktorane luft, vatn og mat. Derfor vil hakimen ofte fyrst rå til eit spesifikt kosthald som behandling. Hvis dette ikkje verkar, vil hakimen rå deg til å bruke spesifikke urter i kosten.

Verkar heller ikkje dette, vil hakimen føreslå bruk av særlege unani-medisinar. Desse famnar meir enn 2000 preparat av spesifikke urter, mineral og dyr. Ifylgje læra er slike medisinar meir miljøvenlege, skånsame og verksame enn andre typar medisin. Hakimen skal ifylgje læra fyrst prøve å gi slike medisinar enkeltvis, og eventuelt seinare kombinere fleire, dersom medisinen ikkje verkar.

Dersom heller ikkje dette verkar, seier læra at det ikkje er ytre faktorar saom er problemet, men eitt eller fleire sjuke organ hjå pasienten som treng behandling. Då vil hakimen prøve å finne ut kva for eit organ som er sjukt, og vurdere ei form for organterapi.

Denne behandlinga går ut på at sjuke organ hjå mennesket kan bli friske med vev frå det tilsvarande organet frå eit sunt og friskt dyr. Hakimen vil då skjere i pasienten sin kropp for å plassere inn vev frå dyret på organet.

Andre behandlingsteknikkar innanfor unani-medisinen er oljemassasje, sveitting med varmebad og badstu, fysiske opptreningsøvingar, healing med edelsteinar/krystallar, samt kopping, årelating, skjering i huda eller bruk av iglar for å tappe ut blod. Ifylgje læra kan pasienten sitt problem også vere at hen har for mykje eller "sjukt" blod, som treng å tappast ut.

Forsking som er gjort på fleire av dei Unani-medisinske behandlingsteknikkane syner at Unani er kjent brukt ved ei rekkje ulike helseplager:

frå vanlege og forbigåande «kvardagsplager» til kroniske plager og alvorleg sjukdom. I dag er unani-medisin truleg vanlegast i India, men det finst alternative behandlarar i Vesten som nyttar seg av delar av unani-medisinen sine prinsipp når dei set diagnose, tolkar symptom og vel behandlingsteknikk

Andre namn og nemningar

Arabisk medisin, Gresk-arabisk medisin, Islamsk medisin, Tibb, Unaani, Unani Healing/therapy, Yunâni