Bates-metoden er ein sjølvhjelpsteknikk som vart utvikla tidleg på 1900-talet. Grunnleggjaren William Horatio Bates meinte at bruk av avslappinsteknikkar og øvingar som han hadde utvikla, kunne stanse og reversere mange synsrelaterte tilstandar.
Behandlinga består av ulike aktivitetar som mellom anna regelmessig blunking, å sjå direkte på sola, visualisering for sitt indre auge, å varme augo mot handflatene (palming), å medvite flytte augo og sjå på ulike objekt; gjerne i ulike perspektiv.
I metoden inngår òg skylling av augo med kaldt og varmt vatn, som skal auke blodsirkulasjonen. Nokre Bates-utøvarar tilrår òg kosthaldsendringar, spesielle pusteøvingar, bruk av kosttilskot og homøopatiske middel for å stimulere synsevna.
I dag kallar utøvarane seg gjerne «lærarar» og ser på tenestene sine som «opplæring i synspleie», meir enn som helserelatert behandling av synsproblem.
I Noreg krev opplæring i Bates-metoden verken helsefagleg autorisasjon, offentleg lisens, spesialistgodkjenning eller liknande. Tilbod om og utøving av Bates-metoden skjer så vidt vi veit hovudsakleg utanfor helsevesenet og ordinære behandlingstilbod. Når pasientar får opplæring eller rettleiing frå instruktørar i sjølvhjelpsteknikkar til bruk for helseplager/formål, reknar NAFKAM dette for å vere i tråd med definisjonen som følgjer av alternativ behandlingslova §2.
Variantar/andre namn:
Eye yoga, Natural vision correction/improvement, See clearly method
Bates sine teoriar om kva som forårsakar augesjukdom og synssvekking og korleis desse kan behandlast, har ikkje funne støtte i helsevitenskapen:
Fleire av problema som Bates meinte metoden hjelper for vert rekna som irreversible, medan andre endrar seg naturleg over tid eller i syklusar. Det vil seie at nokre pasientar plutseleg kan oppleve betre syn i periodar; til dømes ved grå stær (katarakt). Inga form for trening eller øvingar har vist seg å kunne endre augo si brytingsevne.
Som med all anna behandling kan òg denne behandlinga ha ein placeboeffekt. Dette er ein effekt som vert sett i gang av forventningane pasienten har til behandlinga. Les meir om dette i artikkelen vår Placeboeffekten og alternativ behandling.
Ved søk i juli 2024 fann vi ingen oppsummeringar av forsking på Bates-metoden, som passa med kriteria våre.
Det er velkjent at det å sjå direkte på sola kan skade augo og svekke synet permanent.
Også andre aspekt ved Bates-metoden kan medføre risiko for synssvekkelse eller annan skade:
• Hyppig og sterkt trykk mot augehola kan påverke trykket i augo
• Å ikkje bruke korrigerande briller eller linser når det trengst (til dømes i trafikken, ved bruk av verkty og liknande) kan medføre risiko for skade grunna feilvurdering
• Å utsetje eller droppe medisinsk augeundersøking og behandling kan føre til at augesjukdomar utviklar seg til å bli alvorlege
Vurderer du alternativ behandling?
Les då pasientrettleiinga vår, med generelle forsiktighetsreglar og tips til korleis du kan ta meir informerte helseval.
Metoden vart utvikla av den amerikanske augelegen William Horatio Bates (1860–1931). Han meinte at ei rekkje synssvekkingar, -tilstandar og -sjukdomar kom av unormal aktivitet dei ytre augemusklane og endringar i synsfokus.
Dette igjen, meinte han kom av det han kalla mentale belastingar, og frå alt dette slutta han at hvis ein lindrar slike belastingar, ville ein kurere dårleg syn og fjerne behovet for både briller, linser, augedråpar med meire.
Bates prøvde ut metoden på mange av pasientane sine, både personar med nærsyntheit, langsynheit, skeive hornhinner (astigmatisme), aldersrelatert makuladegenerasjon (AMD), lazy eye (amblyopi) og skjeling (strabismus).
Han meinte at alle han prøvde metoden på, fekk nytte av å lære det han kalla normal og avslappa bruk av auge og sinn. Det han såg og tolka, publiserte han i fleire vitskaplege artiklar, bøker og eit månadleg magasin, samt som eit brevkurs i "augetrening".
Bates vart omstridd. Han vart kritisert av andre fagfolk på området for teoriane sine om årsaken til og behandling av augesjukdom, og han vart klaga inn til styresmaktene for reklame med udokumenterte helsepåstandar.
Søk i juli 2024 etter oppsummert forsking i PubMed, The Cochrane Library, Web of Science, Embase og CAM-Cancer, samt etter informasjon i Drugs and Lactation Database (LactMed) og Natural Medicines Comprehensive Database
- Bruset S, Poleszynski D V. Alternativ medisinsk leksikon. Det Beste A/S 1994. ISBN 82-7010-250-4.
- Bates, William H: Perfect Sight Without Glasses. Eget forlag (1920)
- Bates, William H: Improvement in the Vision of Myopia by Treatment Without Glasses. American Journal of Ophthalmology, vol VIII (1891): 181–183.
- Bates, William H: The Prevention of Myopia in School Children. New York Medical Journal, vol. 94 (1911): 237–238
- Behandler.no: Hva er Batesmetoden?
- Chou, B. Exposing the Secrets of Fringe Eye Care
- Cullen AP, Jacques RA. Bates' method of ocular treatment. Br J Physiother. 1960 Oct;17:240-7. PMID: 24545684.
- Elliott DB. The Bates method, elixirs, potions and other cures for myopia: how do they work? Ophthalmic Physiol Opt. 2013 Mar;33(2):75-7. doi: 10.1111/opo.12034. PMID: 23406487.
- Gopinathan G, Dhiman KS, Manjusha R. A clinical study to evaluate the efficacy of Trataka Yoga Kriya and eye exercises (non-pharmocological methods) in the management of Timira (Ammetropia and Presbyopia). Ayu. 2012 Oct;33(4):543-6. doi: 10.4103/0974-8520.110534. PMID: 23723673; PMCID: PMC3665208.
- Grosvenor, T. The Bates Method, A Complete Guide to Improving Eyesight—Naturally [Review]. Optometry and Vision Science. 1997 74 (11): 880
- Helsenorge.no: Grå stær (katarakt) og Makuladegenerasjon (AMD)
- Karatz MA. William Horatio Bates, M.D., and the Bates method of eye exercises. N Y State J Med. 1975 Jun;75(7):1105-10. PMID: 1095980.
- Marg E. Flashes of clear vision and negative accommodation with reference to the Bates method of visual training. Am J Optom Arch Am Acad Optom. 1952 Apr;29(4):167-84. doi: 10.1097/00006324-195204000-00001. PMID: 14923801.
- Quackenbush, Thomas R. Relearning to See. Improve your Eyesight-Naturally! North Atlantic Books Berkeley (1997)
- Rawstron JA, Burley CD, Elder MJ. A systematic review of the applicability and efficacy of eye exercises. J Pediatr Ophthalmol Strabismus. 2005 Mar-Apr;42(2):82-8. doi: 10.3928/01913913-20050301-02. PMID: 15825744.
- Seeing.org: Introduction
- Store norske leksikon: Lazy Eye (Amblyopi), Skjeling (Strabismus), Skjeve hornhinner (Astigmatise), Øynene
- Tiwari KK, Shaik R, Aparna B, Brundavanam R. A Comparative Study on the Effects of Vintage Nonpharmacological Techniques in Reducing Myopia (Bates eye exercise therapy vs. Trataka Yoga Kriya). Int J Yoga. 2018 Jan-Apr;11(1):72-76. doi: 10.4103/ijoy.IJOY_59_16. PMID: 29343934; PMCID: PMC5769202.
