I terapeutisk berøring (Therapeutic Touch, TT) nyttar behandlaren hendene sine på eller nær kroppen til pasienten for å påverke eit antatt energifelt. Det er ikkje rapportert alvorlege biverknader, men kunnskapen om effekt og tryggleik er avgrensa.

Yoga er ei treningsform som også blir brukt som støtte ved helseplager. Yoga kan lindre vanlige utfordringar ein også kan oppleve under og etter kreftbehandling. Yoga blir regna som trygt for dei fleste, når øvingane er tilpassa helsetilstanden og funksjonsnivået.

Frøa frå planta Mariatistel (Mjøletistel, Silybum marianum) vert brukt til å lage naturmiddel. Forskinga tyder på at det kanskje kan redusere nokre biverknader av kreftbehandling. Mariatistel kan gi biverknadar og endre verknaden av visse medisinar.

Fermentert kveitekimekstrakt er eit kosttilskot nokre bruker saman med kreftbehandling. Det kan ha visse positive verknadar, men forskinga er usikker. Det blir rekna som trygt, men bør brukast med varsemd.

Gerson-terapi (og kalla Gerson‑dietten eller Gerson‑metoden) er eit kosthaldsprogram som kombinerar streng diett, bruk av kosttilskot og klystér. Programmet brukast ved fleire sjukdomar, blant anna som alternativ kreftbehandling.

Gestaltterapi er ei retning innan samtale/ psykoterapi. Målet i behandlinga er å forbetre kontakten, samveret og relasjonane som individet har med andre. Ifylgje teorien bak behandlinga kan ein oppnå dette med medviten, spontan og ekte dialog mellom klienten og behandlaren.

Vegetoterapien er ei kroppsorientert form for samtaleterapi, som byggjer på konseptet om at observasjonar og tankar om at vanskelege kjensler, minne og opplevingar gir seg uttrykk i muskelspenningar.

IoPT er ei behandlingsform som skal hjelpe deg med å bearbeide traume og styrke sjølvforståinga gjennom det utøvarane kallar intensjonsmetoden og sjølvmøte. Det finst lite forsking som stadfestar effekten av behandlinga. Ifylgje utøvarane kan metoden gi uønska reaksjonar, og feil bruk føre til retraumatisering.

Samtaleterapi, eller psykoterapi, er behandlingsformer der terapeuten prøver å hjelpe pasienten med å setje ord på tankar og kjensler. Målet er å gi pasienten verktøy til å forstå seg sjølv betre og skape positive endringar i livet.