Reich utvikla behandlingane si på 1920-30-talet, delvis då han budde i Noreg. Både orgon- og vegetoterapien vert og tilbydde kvar for seg.
- Orgonterapi er basert på ideen om ein god orgon-energi, som både skal kunne reinse omgjevnadane, skjerme mot farleg stråling og verke mot mange ulike sjukdomar. Behandlinga går føre seg ved å gå til ein behandlar for å sitje i eit orgon-skap, eller skaffe seg forskjellige produkt av orgonitt for å plassere i miljøet.
- Vegetoterapi er ei form for samtaleterapi som òg famnar massasje, avspenningteknikkar og pusteøvingar.
Variantar / andre namn
Karakteranalyse, psykomotorisk fysioterapi, kroppspsykoterapi, vegetoterapi
Ved søk i juli 2023 i kjeldene våre etter oppsummeringer av forsking på Reichiansk terapi fann vi ingen slike. Etter våre krav ligg det då ikkje føre tilstrekkeleg dokumentasjon til at vi kan seie om Reich sine terapiar verkar eller ikkje. Det ein kan seie, er at påstandar om helsemessig verknad ikkje har solid støtte i forsking.
Forskinga melder ikkje om biverknadar etter bruk av Reichiansk behandling som system. Sjå likevel kapitla "Er det trygt?" i artiklane våre om orgon- og vegetoterapi.
Alle som vil kan kalle seg "reichiansk terapeut" eller liknande, og gje alternativ behandling utan krav til utdanning. Eventuell utdanning innan alternativ behandling gir ikkje same kompetanse, formelle kvalifikasjonar eller det ansvaret som autorisert helsepersonell har.
Den største risikoen ved reichiansk terapi er truleg indirekte, ved at tilstanden kan bli dårligare dersom pasienten eller terapeuten feiltolkar eller overser viktige symptom som krev undersøkjing og behandling, og viktig behandling vert forseinka.
Denne risikoen gjeld ved alle typar alternativ behandling, men særlig her fordi fleire av helseproblema Reich meinte at behandlinga hans verka mot, kan bli alvorlege dersom dei ikkje vert behandla i tide.
Ved graviditet og amming
Ved søk i juli 2023 i kjeldene våre, inneheldt dei ingen informasjon om tryggleiken av Reichiansk terapi ved graviditet og amming.
Generelle tryggingsreglar
- Snakk med lækjaren din om alternativ behandling som du brukar eller vurderer å bruke.
- Snakk med instruktøren/ terapeuten/ behandlaren om eventuelle helseproblem som du søker hjelp for, og få det klårt for deg korleis metoden skal kunne vere deg til hjelp.
- Les gjerne meir om den juridiske trygginga di, og dessutan pasientrettleiinga vår ved bruk av alternativ behandling.
- NAFKAM tek ikkje ansvar for pasientar sin eventuelle bruk av alternativ behandling; korkje på basis av NAFKAMs omtalar eller manglande omtalar.
- Sjekk om din behandlar står i Registeret for utøvere av alternativ behandling i Brønnøysundregistrene.
Søk i juli 2023 etter oppsummert forsking i PubMed, The Cochrane Library, Web of Science, Embase og CAM-Cancer, samt etter informasjon i Natural Medicines og Drugs and Lactation Database (LactMed)
- Anthi P, Haugsgjerd S. A note on the history of the Norwegian Psychoanalytic Society from 1933 to 1945. Int J Psychoanal. 2013 Aug;94(4):715-24. doi: 10.1111/j.1745-8315.2012.00656.x. Epub 2013 Jul 2. PMID: 23924331.
- Britannica.com: Wilhelm Reich
- Bruset S. og Poleszynski D.(1995): Alternativ medisinsk leksikon. Det Beste AS, Oslo.
- Helmersen, Runa (2008): Sporene etter Wilhelm Reich i Norge. I Afspænding og psykomotorik, nr.1/2008
- Lebrun P. Thérapie néo-reichienne [Neo-Reichian therapy.]. Sante Ment Que. 1977;2(2):103-9. French. PMID: 17093657.
- Moir C. Wilhelm Reich and Sexology from Below. Ber Wiss. 2022 Dec;45(4):625-650. doi: 10.1002/bewi.202200007. Epub 2022 Dec 1. PMID: 36453568; PMCID: PMC10108179.
- Store norske leksikon: Orgon, vegetoterapi og Wilhelm Reich
- Æsculap nr 5-2013: Hva er reichiansk terapi?
